రజకులను ఎస్సీల్లో చేర్చండి

• కేంద్ర మంత్రి కిషన్​రెడ్డిని కోరిన రజక దోబీ రిజర్వేషన్​ సంఘ్​

హైదరాబాద్, మన చౌరాస్తా : రజకులను ఎస్సీ జాబితాలో చేర్చేలా చొరవ చూపాలని కేంద్ర మంత్రి కిషన్​రెడ్డిని రజక దోబీ రిజర్వేషన్​ సంఘ్​కోరింది. ఈ మేరకు ఆదివారం కిషన్​రెడ్డిని తన నివాసంలో దోబీ రిజర్వేషన్​ సంఘ్​ నేతలు కలిశారు. ఒకే కులవృత్తి చేస్తున్న దోబీలకు భిన్న రిజర్వేషన్లు ఉండడం వల్ల ఆర్థిక, రాజకీయ, సామాజిక అసమానతలు తలెత్తుతున్నాయన్నారు. రజకులపై దాడులు, దూషణలు పెరుగుతున్నాయని, వీటి నిరోధానికి చట్టం తేవాలని కోరారు. ఈ కార్యక్రమంలో దోబీ రిజర్వేషన్ సంఘ్ జాతీయ కన్వీనర్ నడిమింటి శ్రీనివాస్, రాష్ట్ర అధ్యక్షులు గోపి రజక, రాష్ట్ర అధికార ప్రతినిధి ముత్యాల నర్సింగరావు, కలకుంట బ్రహ్మయ్య తదితరులు పాల్గొన్నారు.